أصحاب “العجول” في راحة!!

 

أصحاب “العجول” في راحة

 

#ألا قولي يا عوضين.

@ نعم يا حسنين.

# هتنتخب مين في الدورة الجاية؟

@ وهية دي عايزة كلام برضك.. هانتخب سيادة النايب أبو حنك.

#أبو حنك تااااااني يا عوضين.. يعني هو عمل ايه؟

@ إهي.. يارجل عيب عليك.. ده مفيش فرح ولا ميتم إلا ويدخل يجامل ويعزي.. وممكن يعيط كمان في الميتم.. بعد كده تقولي عمل ايه.

# أيوه عمل ايه.. ما كل الناس بتجامل وتعزي.

@ لأ يا حسنين مالكش حق.. هي كل الناس زي سيادة النايب ابو حنك برضه.. طب ده انت لو كان عندك فرح ودابح فيه عجل بحااااله طلة النايب عليك في الحنة تسوى عجلين.

# بقى كده؟.

@إيوه كده وابو كده.. هو احنا عايزين خدمات ولا يحزنون.. ده كله كلام فاضي يا جدع.

#على رأي المثل “أصحاب العجول في راحة”.